Hot Widget

Type Here to Get Search Results !

४०० करोनाग्रस्तांना डायलेसिसचा आधार

म.टा. विशेष प्रतिनिधी, मुंबई केईएम रुग्णालयामध्ये डायलिसीसवर असलेल्या व त्यानंतर करोनाची लागण झालेल्या चारशे रुग्णांवर वर्षभरात उपचार केले आहेत. यातील २२० रुग्णांना सौम्य प्रकारची लक्षणे होती. झाल्यानंतर या रुग्णांना डायलिसिसची गरज लागली. इतर काही आजारांमध्येही मूत्रपिंडाच्या कार्यक्षमतेवर परिणाम होऊन ती तात्पुरत्या स्वरूपामध्ये निकामी होतात व डायलिसीस दिल्यावर त्यांची कार्यक्षमता पुनरुज्जीवीत होते. मात्र करोना संसर्गामध्ये मूत्रपिंडाचे विकार झालेले रुग्ण डायलिसीसवर जाण्याचे प्रमाण अधिक असल्याचे निरीक्षण वैद्यकीय तज्ज्ञांनी नोंदवले आहे. केईएम रुग्णालयाचे डॉ. तुकाराम जमाले यांनी या रुग्णांना सातत्याने वैद्यकीय सेवा देण्यामध्ये येथील वैद्यकीय कर्मचारी, डॉक्टर आणि डायलिसीसवर असलेल्या तंत्रज्ञांचा वाटा मोठा असल्याचे प्रांजळपणे नमूद केले. करोना झाला म्हणजे त्यासह य़ेणाऱ्या कोणत्याही व्याधीला संसर्गजन्य आजाराच्या तज्ज्ञांकडून वैद्यकीय मदत दिली जाते. केईएम रुग्णालयाने एक वेगळा विभाग या रुग्णांसाठी तयार केला. गंभीर स्वरूपाची लक्षणे असलेल्या रुग्णांना येथे डायलेसिससाठी वैद्यकीय सेवा देण्यात येत आहे. अनेक रुग्ण हे तरुण आहे. करोना झाल्यानंतर या रुग्णांवर सेवा देत असताना तीन वैद्यकीय कर्मचाऱ्यांनाही करोनाची लागण झाली. करोनामुक्त झाल्यानंतर त्यांनी पुन्हा त्याच तळमळीने या करोना रुग्णांना डायलिसीसची सुविधा दिली आहे. मृत्युदरही कमी वेगवेगळ्या देशातून करोना झालेल्या रुग्णांमध्ये मूत्रपिंडाचे विकार कोणत्या कारणांमुळे निर्माण होतात, त्यांची तीव्रता किती असते, ती कितीकाळ टिकते, यातील किती रुग्णांना डायलिसीसची गरज लागते, याचा विशेष अभ्यास सुरू आहे. करोना संसर्गामुळे मूत्रपिंडाची कार्यक्षमता नेमकी कोणत्या कारणांमुळे बाधित होते याचा अभ्यास केईएम रुग्णालयामध्येही सुरू आहे. जगामध्ये मूत्रपिंडे निकामी झालेल्या रुग्णांमध्ये अशा प्रकारच्या संसर्गामध्ये मृत्यूचे प्रमाण चाळीस टक्के इतके दिसते. या रुग्णांमधील मृत्यूदर कमी ठेवण्यामध्येही केईएम रुग्णालयातील वैद्यकीय तज्ज्ञांनी महत्त्वाची भूमिका बजावली आहे. युनिटने दिला आधार संसर्ग झालेल्या रुग्णांना वैद्यकीय मदत देताना फिजिशिअन, संसर्गजन्य आजाराचे तज्ज्ञ, मधुमेहतज्ज्ञ या सर्वांची एकत्रितरित्या मदत घेण्यात आली. यामध्ये नेफ्रोलॉजिस्टकडे महत्त्वाची जबाबदारी देण्यात आली. या सर्वांच्या एकत्रित प्रयत्नांमुळे या करोना असलेल्या रुग्णांना वैद्यकीय सेवा देण्याचे आव्हान पेलता आल्याचे डॉ. जमाले यांनी सांगितले.
Tags

Post a Comment

0 Comments
* Please Don't Spam Here. All the Comments are Reviewed by Admin.

Top Post Ad

Below Post Ad